நாம் வாழும் இந்த பூமி, தவறாமல் மழை பெற அன்னை அன்பர்கள் செய்ய வேண்டியது என்ன?

- மழை - Article by Sri Karmayogi Avarkal.

அன்னையும் மழையும் 

அன்னை, மழை "overmental gods'' என்ற பெருந் தெய்வங்களின் கட்டுப்பாட்டில் உள்ளதாகச் சொல்கிறார். அன்னை இவர்களைத் தாண்டி சத்தியஜீவிய நிலையில் இருப்பவர். அன்பர்கள் மழை வேண்டி அன்னையிடம் பிரார்த்தனை செய்யும்பொழுது அன்னை அப்பிரார்த்தனையை நிறைவேற்றும்பொருட்டு மழையை நிர்வகிக்கும் பெருந்தெய்வங்களுக்குக் கட்டளையிட்டால் அவர்கள் அன்னையின் ஆணைக்குப் பணிந்து மழை பெய்ய வைப்பார்கள் என்று நாம் எதிர்பார்க்கலாம்.

மழைக்காக அன்பர்கள் அன்னையிடம் பிரார்த்தனை செய்யும்பொழுது எல்லாம் மழை தவறாமல் பெய்தால் மேற்சொன்னபடி பெருந்தெய்வங்களுக்கு கட்டளையிட்டு அன்னை நம்மை மகிழ்விக்கின்றார்என்று நாம் யூகிக்கலாம். ஆனால் பிரார்த்தனை சில சமயங்களில் தான் பலிக்கின்றது; பல சமயங்களில் பலிப்பதில்லை என்னும்பொழுது எந்தக் கட்டத்தில் தடை வருகிறதென்பதை நாமாராயவேண்டும்.

அன்பர்கள் கேட்குமளவிற்கு, கேட்கும் வேகத்தில் மழை வருவதில்லை என்றால் அன்பர்களே மழையில்லைஎன்ற பிரச்சினையை அந்த அளவிற்கு சீரியஸாக எடுத்துக் கொள்ளவில்லை என்றுதான் நாம் முடிவு செய்ய வேண்டும்.

மழையும், நம் மனோபாவமும் 

மழைஎன்பது இயற்கை நமக்கு வருடந்தோறும் அளிக்கும் கொடை என்றொரு கருத்து பரவலாக மக்களிடையே நிலவி வருகிறது. இயற்கையின் கொடைஎன்ற நிலையையும் தாண்டி மழைஎன்பது இறைவனின் அருளின் வெளிப்பாடு என்றொரு கருத்தை அன்னை வெளியிட்டுள்ளார். மழை அருளின் வெளிப்பாடுஎன்றால் அதை நாம் வரவேற்கக் கடமைபட்டவராகிறோம். மழை பெய்யும்பொழுது நம்மால் வெளியில் போகமுடிவதில்லை என்னும்பொழுது, மழையை நாம் ஒரு தொந்தரவாக நினைப்பதுண்டு. அப்படித் தொந்தரவாக நினைப்பது தவறு என்று இப்பொழுது புரிகிறது. மழைநீர் நம்மேல் பட்டால் சளி பிடிக்குமென்று நாம் குடை பிடித்துக்கொண்டு போகிறோம். அப்படிக் குடை பிடிப்பதுகூட தவறாக இருக்கலாம். கேரளாவில் மக்கள் மழையில் நனைந்துகொண்டே வேலைக்கு சந்தோஷமாகச் செல்வார்கள் என்று ஓர் அன்பர் கருத்து தெரிவித்தார். அங்குப் பெய்கின்ற ஏராளமான மழைக்கு ஏற்றாற்போன்ற மனோபாவத்தை அம்மாநில மக்கள் வெளிப்படுத்துவதை நாமிதிலிருந்து பார்க்கிறோம்.

உணர்ச்சிகளின் சின்னம் தண்ணீர் 

தண்ணீர்என்பது ஆன்மீகத்தில் உணர்ச்சிகளின் சின்னமாக விளங்குகிறது. Water stands for emotions. ஒரு நாட்டில் நீர்வளம் அபரிமிதமாக இருக்கிறதென்றால் அந்நாட்டு மக்களும் மனவளம் மிகுந்தவர்களாக இருப்பார்கள் என்றாகிறது. மனவளம்என்பது இங்கு அன்பு, கருணை, பக்தி, நல்லெண்ணம், இரக்கம் போன்ற உணர்வுகளைக் குறிக்கிறது. நீர்வளம் மிகுந்த இடங்களில் பயிர் விளைச்சல் அபரிமிதமாக இருக்கும். நன்றாகப் பயிர் விளைகின்ற இடங்களில் மக்களுக்கு நல்ல சாப்பாடு கிடைக்கும். பசி, பட்டினி இல்லாதபொழுது மக்கள் மனநிலை சந்தோஷமாக இருக்கும். அந்த சந்தோஷத்தின் விளைவாக அவர்களுடைய மனவளமும் சிறந்து மேற்கண்ட மாதிரி அன்பு, இரக்கம், நல்லெண்ணம், பக்தி ஆகியவை மேலோங்கி இருக்கும் என்ற கண்ணோட்டத்திலும் நாம் இதைப் பார்க்கலாம்.

ஏன் இந்த வறட்சி?

தற்பொழுதுள்ள வறட்சியை life response கண்ணோட்டத்தில் பார்ப்போம். நீர்வறட்சி அதிகமாகியிருக்கிறதென்றால் அதற்கீடாக மனவறட்சி அதிகமாகிவுள்ளதென்றாகிறது. இப்பொழுது எவ்விதத்தில் மனவறட்சி அதிகமாகிவுள்ளதென்பதை பார்ப்போம். அவரவருடைய குடும்பத்தாரிடம் காட்டும் அன்பு, பரிவு, நல்லெண்ணம் போன்றவை பெருமளவில் குறைந்து உள்ளதாகத் தெரியவில்லை. கணவன்-மனைவிஎன்று தம்பதியரிடையே வெளிப்படுகின்ற பரஸ்பர அன்பு மற்றும் பெற்றோர்-பிள்ளைகளிடையேவுள்ள அன்பு ஆகியவை என்றும்போல சகஜமாகவே உள்ளதாகத் தெரிகிறது. பெற்றோர் தம் சிறுபிள்ளைகள்மேல் காட்டுமன்பு குறையவில்லை என்றாலும், வளர்ந்த பிள்ளைகள் வயதான பெற்றோர்மீது காட்டும் அன்பு, அக்கறை ஆகியவை நன்றாகவே குறைந்துபோய்தானுள்ளன.

முதியோர் இல்லங்கள் நாட்டில் பெருகிவருவதே இதற்கு போதுமான சாட்சி. சென்னை மாநகரைப்பொருத்தவரை பக்தி வழிபாடு பெருகி வருவதாகத்தான் தெரிகிறது. சென்னையில் நூற்றுக்கு மேற்பட்ட கோவில்களுள்ளன. இங்கு தெய்வ வழிபாட்டிற்காக வருகின்ற மக்கள் கூட்டம் பெருகிவருவதைத்தான் நாம் பார்க்கிறோம். கூட்டம் அதிகரித்து இருப்பதால் பக்தி ஆழ்நிலையில் பெருகிவுள்ளதென்று நாம் வைத்துக் கொள்ள முடியாது. தெய்வத்திற்குச் செய்யும் அர்ச்சனையை மெக்கானிக்கலாக, ஜீவனில்லாமல் செய்பவர்கள் நிறைய பேர் உள்ளார்கள். அர்ச்சனை செய்யும்பொழுது நமக்கு நினைவெல்லாம் தெய்வத்தின் மேல்தானிருக்கவேண்டும். ஆனால் அப்படியில்லாமல் தெரிந்தவர்கள் யார், யார் வந்துள்ளார்கள், புதிதாக என்ன புடவை உடுத்தியுள்ளார்கள், என்ன நகை போட்டுள்ளார்கள் என்று கவனிக்கும் பக்தி உள்ளவர்கள் நிறையவுள்ளார்கள். கோயில் பிரகாரத்தைச் சுற்றி வலம்வரும்பொழுது தெரிந்தவர்களைச் சந்தித்து வீட்டு விஷயங்களைப் பேசுபவர்களும் உண்டு. கார், வேன் என்று எடுத்துக்கொண்டு குடும்பமாக, திருப்பதி சென்று, வசதியான கெஸ்ட் ஹவுசில் நாலைந்து நாட்கள் தங்கியிருந்து, பல ஆயிரங்களை செலவழித்துவிட்டு வருவதைப்பற்றிப் பெருமையாகப் பேசிக் கொள்ளும் பெருமாள் பக்தர்களுண்டு. இப்படி இறைவழிபாட்டில் ஆடம்பரமும் மற்றும் பெருமையுணர்வுகளும், போட்டி மனப்பான்மையும் வந்து கலந்து கொள்வதால் வழிபாட்டிலுள்ள பக்தி மற்றும் புனிதமிரண்டும் பின்னுக்குப் போய் விடுகின்றன.

பொருளை விரயம் செய்தால் அது விலகிப் போகும்


எந்தவொரு பொருளையும் விரயம் செய்தால் அது நம்மை விட்டு விலகிப் போகும் என்பது life response நமக்கு கற்றுக் கொடுத்துள்ள பெரிய உண்மையாகும்

. பணத்தை விரயம் செய்தால் வருமானம் குறையும்
மூலப் பொருளை விரயம் செய்தால் தொழிற்சாலைகளுக்கு வரும் ஆர்டர் குறையும்என்பதை அனுபவத்தில் பலர் பார்த்திருக்கின்றனர்
. அதே ரீதியில் இன்று தமிழக மக்களுக்குத் தண்ணீர்ப் பற்றாக்குறையாகிவுள்ளது என்றால்
தண்ணீர் நிறைய கிடைத்த காலத்தில் அதை நிறைய விரயம் செய்துள்ளார்கள் என்றாகிறது
. Overhead tank நிரம்பிய பின்னும் தண்ணீரை வழியவிடுவது
தண்ணீர் கசிகின்ற குழாய்களை ரிப்பேர் பண்ணாமல் தொடர்ந்து தண்ணீரை ஒழுகவிடுவது
முனிசிபல் குழாய்களை மூடாமல் மணிக்கணக்காக தண்ணீர் போகவிடுவது
இலவச மின்சாரம் கிடைப்பதால் பம்ப்செட்டுகளை தேவைக்குமேல் ஓடவிடுவது என்று பலவகைகளில் தமிழக மக்கள் தண்ணீர் அபரிமிதமாகக் கிடைத்த நாட்களில் அதை விரயம் செய்துள்ளார்கள்

அந்த கர்மபலனைத்தான் இன்று நாம் வறட்சியாக அனுபவிக்கின்றோம்

தமிழக அரசு மழைநீரின் அருமையை உணர்ந்துமழைநீர் சேகரிப்பு திட்டங்களைத் தமிழகம் முழுவதும் அவசரமாக அமுல்படுத்தியுள்ளது.

நாம் ஏற்படுத்திக் கொண்டுள்ள கர்மபலனைக் கரைப்பதற்கு இது உதவியாக இருக்கும்.

குடியரசு தினத்தன்று குஜராத்தில் வந்த நிலநடுக்கம் காரணமாக விளைந்த பேரழிவு, பருவமழை தவறுதல் மற்றும் குறைந்துபோதல், காவிரி போன்ற நதிகளில் நீர்வரவு குறைந்துபோதல், கோடைவெப்பம் கடுமையாக அதிகரித்தல் ஆகியவையெல்லாம் பூமாதேவி நமக்கு வழங்கும் எச்சரிக்கைகள் என்று எடுத்துக்கொள்ளலாம். இந்த எச்சரிக்கைகளை புரிந்துகொண்டு, நம் நாட்டு மக்களும் அரசாங்கமும் மனோபாவத்தையும் நடவடிக்கைகளையும் மாற்றிக்கொண்டு, இயற்கைக்கும் பூமாதேவிக்கும் ஒத்துழைக்கும் வகையில் நடந்துகொண்டால், நாமிழந்த மழையெல்லாம் நமக்குத் திரும்பக் கிடைப்பதைக் காணலாம்.

Savitri - 303

Daily Savitri - 303

Sri Aurobindo's Savitri

Although possessor of the earth and heavens,  He leaves to her the cosmic management  And watches all, the Witness of her scene.  A supernumerary on her stage,  He speaks no words or hides behind the wings.

- Savitri by Sri Aurobindo, Book I - The Book of Beginnings - Canto IV - The Secret Knowledge,
 Page  62

How to read Savitri?

It does not matter if you do not understand it ? Savitri, read it always.  You will see that every time you read it, something new will be revealed to you. Each time you will get a new glimpse, each time a new experience; things which were not there, things you did not understand arise and suddenly become clear. Always an unexpected vision comes up through the words and lines. Every time you try to read and understand, you will see that something is added, something which was hidden behind is revealed clearly and vividly. I tell you the very verses you have read once before, will appear to you in a different light each time you re-read them. This is what of happens invariably. Always your experience is enriched, it is a revelation at each step. But you must not read it as you read other books or newspapers. You must read with an empty head, a blank and vacant mind, without there being any other thought; you must concentrate much, remain empty, calm and open; then the words, rhythms, vibrations will penetrate directly to this white page, will put their stamp upon the brain, will explain themselves without your making any effort.

- The Mother

Thanks,
AuroMere Meditation Center,
Chennai.

Tags: Sri Aurobindo, Aravindar, Savitri, Daily Savitri, Series, The Mother Aurobindo

சிறு கதை : அன்பர் ஒருவரின் வாழ்க்கையில் ஒரு நாள் (மலர்ந்த ஜீவியம் Feb - 2002) தமிழாக்கம் : N. அசோகன்.

பரிணமிக்கின்ற ஒரு ஜீவனின் வாழ்க்கையில் நடக்கின்ற ஒரு நாள் நிகழ்ச்சிகள்

“அன்னை இலக்கியம்”

பரிணமிக்கின்ற ஒரு ஜீவனின் வாழ்க்கையில் நடக்கின்ற ஒரு நாள் நிகழ்ச்சிகள்

(ஆங்கிலக் கதை Mr.Roy Posner என்ற அமெரிக்கரால் எழுதப்பட்டது. தமிழாக்கம் N. அசோகன்.)

       (Growth Online என்ற இணையதளத்தில் பர்சனாலிட்டி வளர்ச்சி என்பது பற்றி கூறப்பட்டுள்ள கருத்துகளை விளக்கும் வகையில் ஒரு கற்பனையான கதாபாத்திரத்தின் வாழ்க்கையில் ஒரு நாளில் நடக்கின்ற நிகழ்ச்சிகளைப் பார்ப்போம்.)

       சென்னை மாநகரத்தில் அடையாற்றில் குடியிருந்த சாந்தி என்ற இளம் பெண் ஒரு நாள் காலை தூக்கம் கலைந்து படுக்கையிலிருந்து எழுந்தபொழுது திடீரென்று அன்றைக்கு வழக்கத்தைவிட அதிகமாக உடம்பில் தெம்பு இருப்பது தெரிந்தது. பொதுவாக ஒரு கப் காப்பி குடித்தால்தான் அவளுக்குக் காலை சோம்பலிலிருந்து விடுபட முடியும்.

       இந்த எனர்ஜியை அவளுக்கு வழங்கியது எது? அவளுடைய வேலையைச் செய்வதால் அவளுக்கொரு எனர்ஜி கிடைத்திருப்பது அவளுக்குத் தெரியும். ஒரு சில மாதங்களுக்கு முன்னால்தான் தனக்கேற்ற வேலையைச் சிரமப்பட்டுத் தேடிக் கொண்டிருந்தாள். அச்சமயம் மூன்று மாதத்திற்குள் தன்னுடைய கரியரில் (career) அடுத்த கட்டத்திற்கு உயர்வதென்று தீர்மானித்து இருந்தாள். அப்படி முன்னேறுவதற்கான வழிமுறைகள் உண்டு என்றொரு கருத்தை கேள்விப்பட்டிருந்தாள். அவ்வழி முறைகளைக் கடைப்பிடித்து தன் பணிநிலையை உயர்த்துவதென்று தீர்மானித்தாள்.

       முதற்படியாக மேனேஜ்மெண்ட் துறையில் பல புதிய திறமைகளை வளர்த்துக் கொண்டாள். அப்படிக் கற்றுக் கொண்டவைகளில் project management skills and software skills இரண்டும் அடங்கும். அதன் பிறகு இத்துறையில் தனக்கேற்ற பதவியை அடைந்தே தீர்வதென்று தீர்மானித்து, அதற்கேற்றபடி தீவிரமாக வேலை தேடுவதில் இருந்த தயக்கத்தை விடுவதென்று மனதிற்குள் முடிவு செய்த பிறகு, தனக்கெல்லாம் சரியாக நடப்பதைக் கண்டாள். இதனால் அவளுடைய பணியில் அவளுக்கொரு பெரிய முன்னேற்றம் ஏற்பட்டது. அப்பட்சத்தில் அன்று காலை அவளுடைய எனர்ஜி லெவல் அதிகமாக இருந்ததில் ஆச்சரியம் ஒன்றுமில்லை. இதுபோக உண்ணும் உணவில் மாவு சத்தைக் (carbohydrate) குறைத்து அதன் விளைவாக 20 பவுண்டு தன்னுடைய எடையையும் குறைத்திருந்தாள். மேலும் தன்னுடைய துணிமணிகளை அதிகரித்துமிருந்தாள். இவை எல்லாம் சாந்தி தன்னைத் தயார் நிலையில் வைத்திருந்தாள் என்பதைக் காட்டுகின்றன.

       சாந்தி குளித்துவிட்டு, தான் புதிதாக வாங்கிய துணிமணிகளில் ஒன்றை எடுத்து அணிந்து கொண்டு வேலைக்குப் புறப்பட்டாள். Integral Net என்ற தன்னுடைய அலுவலகத்திற்கு அன்று வந்திறங்கியபொழுது ஹாலில் தூரத்தில் தன்னுடைய சக பணியாளர் லலிதாவைக் கண்டு கையாட்டினாள். முதலில் அந்த வேலைக்கு வந்திருந்தபொழுது இந்த லலிதாவுடன் சேர்ந்து பணியாற்றுவதில் தனக்கொரு டென்ஷன் வருவதை உணர்ந்திருந்தாள். அதாவது லலிதாவைப் பற்றிய ஏதோவொன்று சாந்தியை சங்கடப்படுத்தியது.

       ஆனால் அதிர்ஷ்டவசமாக இம்மாதிரியான எரிச்சலிலிருந்து விடுபட்டால் நல்ல பலன் கிடைக்குமென்றவொரு கருத்தைத் தான் கேள்விப்பட்டது அவளுக்கு நினைவிற்கு வந்தது. உண்மையில் சென்ற மாதம் ஒரு நாள் லலிதா மேல் தனக்கு எரிச்சல் வந்ததும், அதைத் தான் கட்டுப்படுத்தி பிறகு ஓரளவிற்கு நல்லெண்ணமாக மாற்றியதும் நினைவிற்கு வந்தது. (மேலும் அதைப் பற்றிச் சிந்தித்து பார்த்தபொழுது, நல்லெண்ணத்தை கொண்டு வந்த அன்றே அவளுடைய மேலதிகாரி அவளை அழைத்து அக்கம்பெனியின் மிகப் பெரிய project-ற்கு அவளை project மேனேஜராக நியமிப்பதாகச் சொன்னதும் ஞாபகத்திற்கு வந்தது). அதன் விளைவாக அவளுக்குப் பதவி உயர்வு கிடைத்தது. சம்பளமும் உயர்ந்தது. அச்சமயம் தன் மனோபாவம் மாறியதற்கும் புதிய வாய்ப்பு வந்ததற்கும் தொடர்பிருக்கிறது என்று ஏற்றுக் கொள்வது சிரமமாகவிருந்தது.

       ஆனால் இப்பொழுது மனோபாவத்தை மாற்றுவதும் அதற்குண்டான Life response விளைவுகளைப் பார்ப்பதும் சாந்திக்குப் பழக்கமாகிவிட்டது. தான் வேலை செய்யும் அலுவலகத்தில் தன் வேலை சம்பந்தமான நிகழ்ச்சிகளில் இத்தொடர்பைச் சில தடவைகள் பார்த்திருக்கிறாள். ஒவ்வொரு தடவையும் தன்னுடைய எரிச்சலை வென்றபொழுது நல்லது நடந்ததையும், அந்நிகழ்ச்சிகள் அதிசயம்போல நிகழ்ந்ததையும் கவனித்திருக்கிறாள்.
       இப்பொழுது தவறான மனோபாவத்தை முறியடிப்பதை விவரமாக கடைப்பிடிக்க முடிவு செய்ததை நினைவு கூர்ந்தாள். இனி எரிச்சல் தலையெடுக்கும்பொழுதெல்லாம் அடுத்தவருடைய குறையைப் பற்றி நினைக்காமல், இவ்விஷயத்தில் தன்னுடைய குறையென்ன என்று சிந்திப்பது என்று முடிவு செய்திருந்தாள். இத்தகைய முடிவு, புதிய சூழ்நிலைகளை நல்லவிதமாக சமாளிக்க அவளுக்கு உதவியாக இருந்தது.

       (மேலும் இத்தகைய முடிவெடுத்தபின் தன்னுடைய மனநிலையில் அமைதி அதிகரித்திருப்பதையும் உணர்ந்தாள்). உதாரணமாக குமார் என்ற சக பணியாளர் ஒரு நாள் அவளைத் தேடி வந்து அளவிற்கு அதிகமாகப் பேசிக் கொண்டிருந்தபொழுது, எரிச்சல்படாமல் வேலையைத் தொடர்ந்து அவளால் செய்ய முடிந்தது. உண்மையில் தன் மனநிலையை அன்று மிகவும் மாற்றி குமார் வழங்கும் யோசனைகளை ஏற்குமளவிற்கு அன்றவள் நடந்து கொண்டாள். தன்னுடைய எரிச்சலின் காரணமாக குமாரை விலக்காமல், அதற்கு பதிலாக தான் வளர்த்துக் கொண்ட அமைதியின் காரணமாக குமார் வழங்கிய புதிய யோசனைகளைக் கேட்டுக் கொள்ள முடிந்ததை உணர்ந்தாள். (பின்னால் அந்த யோசனைகள் அந்த பிராஜெக்ட் வெற்றிகரமாக நிறைவேறுவதற்கு எவ்வளவு உதவியாக இருந்தது என்பதையும் உணர்ந்தாள்.)

       திட்டத்தின் துவக்கத்தில் அவளுக்குப் பிடித்தமில்லாத வேலைகள் கொடுக்கப்பட்டபொழுது, அவற்றை அவள் அலட்சியம் பண்ணியிருந்தாள். பின்னர்தான் அந்த வேலைகள் அத்திட்டம் வெற்றிபெற எந்த அளவிற்கு உதவியாகவிருந்தன என்பதை அவளால் உணர முடிந்தது.

       இத்தகைய நிகழ்ச்சிகள் நடக்கும்பொழுது ஒரு கட்டத்தில் அவள் Growth Online உடைய website அதாவது இணையதளத்தைப் பார்வையிட்டு நம்முடைய மறுப்புகளை (reluctance) முறியடிக்கும் அவசியத்தைப் பற்றிப் படித்திருந்தாள். பயத்தாலோ, அவ நம்பிக்கையாலோ, அறிவின்மை மற்றும் திறமையின்மையாலோ நாம் சந்திக்க விரும்பாத சூழ்நிலைகளை வாழ்க்கை நம்முன் கொண்டு வந்து நிறுத்துகிறது என்றறிந்தாள். மேலும் நாம் தேர்ந்தெடுக்கும் சூழ்நிலைகளைவிட வாழ்க்கை தானாகக் கொண்டு வருவது மேலும் முக்கியமென்று உணர்ந்தாள். சில சூழ்நிலைகளை துவக்கத்தில் தவிர்த்தபொழுது எப்படி அச்செயல் தனக்குச் சிரமங்களைக் கொண்டு வந்தது என்பதை உணர்ந்த பின்பு, திட்டத்தில் வாழ்க்கை புதிதாகக் கொண்டு வரும் சூழ்நிலைகளில் அக்கறை காட்டினாள். அதாவது சூழ்நிலையைத் தவிர்க்காமல் அதை ஏற்றுக் கொண்டாள். அப்படிச் செய்த பொழுது முன்னேற்றம் அதிகரித்தது. மேலும் எந்த வேலையைச் செய்வதற்குப் பயந்தாளோ அதே வேலை அவள் நினைத்ததைவிட சிறப்பாக நடந்தது.

       இந்தளவிற்கு வந்துவிட்ட பிறகு மனோபாவத்தில் மாற்றம் கொண்டு வருவதென்ற விஷயத்தில் சாந்திக்கு உண்மையிலேயே ஆர்வம் பிறந்தது. இப்பொழுது லலிதாவைப் பார்க்கும்பொழுது வெளியில் மட்டுமில்லாமல் தன் மனதிற்குள்ளும் ஒரு மாற்றத்தை உணர்ந்தாள். Life Response பற்றிய கருத்துகள் வெறும் தத்துவங்களில்லை என்று அவளுக்குப் புரிந்தது. நடைமுறையில் அவளுடைய வாழ்க்கையில் அக்கருத்துகள் நிறைய மாற்றங்களைக் கொண்டு வந்து கொண்டிருந்தன. (அதுவும் குறிப்பாக மனநிலை மாறும்பொழுது வெளியிலிருந்து மந்திரமாயம்போல் response வருவது அவளுக்கு விந்தையாகவிருந்தது.) இப்படியெல்லாம் சிந்திக்கும்பொழுதே தன்னுடம்பிற்குள் புது எனர்ஜி வருவதை அவளால் உணர முடிந்தது.

       இதே நினைவுகளுடன் தன்னுடைய அலுவலகத்திற்கு வந்து தன்னுடைய இருக்கையில் அமர்ந்து தனக்கு அன்று “E-mail” வந்துள்ளதா என்று பார்க்க முடிவு செய்தாள். அப்பொழுது உடனடியாக connection button என்பதை அழுத்தாமல், தான் செய்யப்போகும் வேலையை அன்னைக்குச் சமர்ப்பணம் செய்தாள். சமர்ப்பணத்தைப் பற்றி படித்திருந்ததால் இந்நேரம் அதைச் செயல்படுத்திப் பார்க்கலாமே என்றவளுக்குத் தோன்றியது. சில நிமிடங்கள் கழித்து E-mailஐத் திறந்து பார்த்தபொழுது தன்னுடைய மேற்பார்வையாளர் இடமிருந்து ஒரு செய்தி வந்திருப்பதைக் கண்டாள். அதைத் திறந்து படித்தபொழுது தன்னை ஒரு உயர்மட்ட மீட்டிங்கிற்கு அழைத்திருப்பதை அறிந்தாள். அந்த meeting இன்னும் அரை மணி நேரத்தில் துவங்கவிருப்பதையும் அறிந்தாள்.

       மீட்டிங்கிற்குப் போவதைப் பற்றி அவளுக்கு ஒரு பக்கம் தயக்கமிருக்கத்தான் செய்தது. ஏனென்றால் அந்த மீட்டிங்கில் பேசவிருக்கின்ற விஷயங்களைப் பற்றி அவளுக்கு முன்னனுபவம் கிடையாது. இருந்தாலும், சற்று முன்னர் பயன்படுத்திய சமர்ப்பணத்தை மீண்டும் செய்துவிட்டுத்தான் மீட்டிங் நடக்குமறைக்குள் நுழைந்தாள்.
       ஒரு மணி நேரம் கழித்து வெளியில் வந்தபொழுது மீட்டிங் எவ்வளவு நல்லபடியாக நடந்ததென்பதை நினைத்துப் பார்த்து வியந்தாள். மீட்டிங்கில் பேசப்பட்ட விஷயங்கள் எல்லாம் தெளிவாகவிருந்தன. எல்லோரும் ஒத்துழைத்தனர். எல்லாவற்றிற்கும் மேலாக அவள் அந்த மீட்டிங்கில் நிறைய பங்கேற்றாள். அன்னைக்கு சமர்ப்பணம் செய்வது உண்மையிலேயே வேலை செய்கிறதென்பதை நன்றாகவே உணர்ந்தாள்.

       மதிய உணவிற்குப் பிறகு சாந்தி மீண்டும் தனது அலுவலகத்திற்கு வந்து தன்னுடைய பெரிய திட்டம் சம்பந்தப்பட்ட வேலையில் ஈடுபட்டாள். தன்னுடைய Microsoft Project Manualஐத் தேடினாள். அதைக் கண்டுபிடிப்பது சிரமமாகவிருந்தது. அப்பொழுது ரமா என்ற சக பணியாளர் எதேச்சையாக அங்கு வந்தாள். சாந்தி குழம்பிப் போயிருப்பதைக் கவனித்தாள். சாந்தி அவளைப் பார்த்து, ‘இங்கு எதையும் கண்டுபிடிக்க முடியவில்லை’ என்று வருத்தப்பட்டுக் கொண்டாள். ரமா அதைக் கேட்டு அனுதாபத்துடன் புன்னகை செய்தாள். ‘உனக்கு எல்லாம் சுலபமாக இருக்கிறது. ஏனென்றால் நீ எல்லாவற்றையும் முறையாகச் செய்வாய். ஆனால் இவ்விடமோ குப்பையாகவிருக்கிறது’ என்று குறைபட்டுக் கொண்டாள். சாந்தி தன்னுடைய ஆசனத்தில் சரிந்து அமர்ந்தாள். இப்பொழுதே ஏதேனும் செய்ய வேண்டுமென்று அவளுக்குத் தோன்றியது. மீண்டும் Growth Online Websiteஇல் உள்ள personal organisation என்ற பிரிவைப் பற்றி அவளுக்கு நினைவு வந்தது. அப்பிரிவை, தான் மீண்டும் பார்த்துப் படிக்க வேண்டுமென்று தனக்கொரு நோட் போட்டுக் கொண்டாள்.

       ஒரு மணி நேரம் கழித்து தன்னுதவியாளர்கள் இருவரிடமும் தனக்குச் சிறிது அமைதி தேவைப்படுகிறதென்று சொல்லிவிட்டுக் கம்பெனியினுடைய நூலகத்திற்குச் சென்றாள். அங்கிருந்த ஒரு கம்ப்யூட்டரின் முன்னமர்ந்து Growth Online Websiteஇல் பர்சனல் ஆர்கனைஷேஷன் என்ற பிரிவிற்கு நேரடியாகப் போனாள். அப்பிரிவில் அவளுடைய கவனத்தை ஈர்த்தவை பின்வரும் விஷயங்களாகும்.

• நாமிருக்குமிடம், நாம் செய்யும் வேலை சம்பந்தப்பட்ட பேப்பர்கள் மற்றும் நம்முடைய பணவரவு, செலவு கணக்குகள் என்றிவற்றை நாம் முறைப்படுத்தும் விதம்,
• நம்முடைய நேரம், நம்முடைய வேலைக்காக நாம் போடும் work schedules போன்றவற்றை நாம் கையாளும் விதம்.

       இவ்விஷயங்களை அவள் குறித்துக்கொண்டு இவ்விடங்களில் எல்லாம் தன் வாழ்க்கையில் தவறாகப் போனவற்றை நேர்பண்ணிக் கொள்வதென்று தீர்மானித்தாள். அடுத்த நிமிடம் அவள் நிமிர்ந்து பார்த்தபொழுது குமாரைக் கண்டாள். அவளைத் தேடிக் கொண்டு தான் அங்கு வந்ததாகச் சொன்ன குமார் உனக்கொரு நல்ல செய்தி கொண்டு வந்துள்ளேன். நீ சம்பந்தப்பட்டுள்ள projectஇன் முதற்கட்டம் மூன்று நாள் முன்னதாகவே முடிந்துவிட்டது என்றறிவித்தான். இதைக் கேட்டு சாந்திக்கு சந்தோஷம் அதிகரித்தது. அப்பொழுதுதான் தன்னுடைய செயல்பாடுகளை முறைப்படுத்திக்கொள்ளவேண்டுமென்று தான் தீர்மானத்திருந்ததை நினைவு கூர்ந்தாள். மனோபாவத்தை மாற்றிக் கொள்வது என்று முடிவு செய்யும்பொழுது உடனே Life responseஇல் அது தெரியும் என்று தான் படித்தது நினைவிற்கு வந்தது. இப்படி தன்னுடைய திட்டத்தின் முதற்கட்டம் மூன்று நாள் முன்னதாகவே நிறைவேறியது என்று தனக்கு உடனடியாக கிடைத்த செய்தி தான் படித்ததை உறுதிபடுத்துவதாக அமைந்தது.

       சாந்தி மீண்டும் தன்னுடைய வழக்கமான வேலைகளுக்குத் திரும்பினாள். நடந்த நிகழ்ச்சிகளால் மிகவும் மகிழ்ச்சியடைந்திருந்த அவள் மெதுவாகத் தனக்குள்ளேயே பாட்டுப் பாடத் துவங்கினாள். இருக்கையிலிருந்து எழுந்தவள் மேசையின் ஓரத்தில் காலை இடித்துக் கொண்டாள். கால் உடனே வலித்தது. தன்னுடைய காலுக்கு ஊறு விளைவித்துவிட்டோமோ என்ற பயம் அவளுக்கு வந்தது. பிறகு சுதாரித்துக் கொண்டு தனக்கு அடிபட்டுவிட்டதென்ற எண்ணத்தை மனதிலிருந்து விலக்கினாள். அதன்பிறகு அடிபட்டதைப் பற்றி தனக்கு வலிக்கவே இல்லை என்றுணர்ந்தாள். மேலும் அடிபட்டதை நினைத்துக் கொண்டிருந்தால் வலி அதிகமான பழைய சம்பவங்களையும் நினைத்துப் பார்த்தாள். இம்மாதிரியே மீண்டுமொரு நாள் இடுப்பில் வலியேற்பட்டபொழுது அதை அலட்சியம் செய்த பொழுது அவ்வலி விலகியதைக் கண்டாள்.

       அன்று மாலை அலுவலகத்திலிருந்து வீடு திரும்பும் வழியில் தன் வாழ்க்கை எப்படித் தன் கட்டுப்பாட்டிற்குள் வந்து கொண்டிருக்கிறதென்பதை உணர்ந்தாள். வாழ்க்கையின் ரகசியங்களை அறிந்து கொள்வதில் கிடைத்த மகிழ்ச்சி அவளுடைய ஜீவனுக்கு மேலும் மெருகேற்றியது. இப்படித் தன் வாழ்க்கையை முறைப்படுத்திக் கொள்வதோடு மேலும் இந்த வாழ்க்கை ரகசியங்களைத் தொடர்ந்து தெரிந்து கொள்ள வேண்டுமென்று உறுதி பூண்டாள். அதாவது இதுவரை என்ன சாதித்துள்ளோம், எப்படிச் சாதித்தோம், மேலும் என்ன சாதிக்கப் போகிறோம் என்பதை எல்லாம் அறிய ஆவல் கொண்டாள். Life Responseகளை எப்படிக் கொண்டுவருவது, தினசரி வாழ்க்கையை எப்படி அவற்றால் நிரப்புவதென்றல்லாம் சிந்தித்தாள்.

       இச்சிந்தனைகளுக்குப் பிறகு ஒரு மௌனம் அவளிடம் குடிகொண்டது. எண்ணங்களையும், உணர்வுகளையும் தாண்டிய நிலையிலிருந்த அம்மௌனம் தெய்வ சாந்நித்தியத்திற்கு அவளை அழைத்துச் சென்றது.